10 чэрвеня адбылася дзевятая сесія раённага Савета дэпутатаў дваццаць шостага склікання. Вёў яе старшыня райсавета Уладзімір Макар. У рабоце сесіі браў удзел старшыня райвыканкама Анатолій Ткачук.
Асноўнае пытанне павесткі дня сесіі райсавета – “Аб рабоце жыллёва-камунальнай гаспадаркі раёна і яе структурных падраздзяленняў, органаў мясцовага самакіравання па стварэнні спрыяльных умоў для пражывання гарадскога і сельскага насельніцтва”. Яно разглядалася з выездам на шэраг аб’ектаў жыллёва-камунальнай гаспадаркі раёна.
Значная ўвага на сесіі была нададзена ходу выканання рашэння сесіі райсавета ад 24.08.2010 года №20 “Аб стане турызму на тэрыторыі раёна і прымаемых мерах па яго далейшым развіцці”.
Сесія заслухала паведамленне дэпутата райсавета па Даманаўскай выбарчай акрузе №22 Сяргея Казлені аб рабоце, якая праводзіцца ім у акрузе і выкананні дэпутацкіх абавязкаў. У цэлым дзейнасць дэпутата прызнана станоўчай.

Сесія прыняла рашэнне аб спыненні права арэнды воднага аб’екта “Штучнае возера Журавец” плошчай 49 гектараў, і тым самым задаволіла хадайніцтва аб гэтым установы “Івацэвіцкая раённая арганізацыйная структура рэспубліканскага дзяржаўна-грамадскага аб’яднання” “Беларускае таварыства паляўнічых і рыбаловаў”. Па словах яго дырэктара Мікалая Студзянічніка арганізацыя фінансава не ў стане належным чынам весці неабходную работу на гэтым вялікім штучным возеры.
Зацверджана праграма кадравага забеспячэння сельскагаспадрчых арганізацый раёна на 2011-2015 гады.

Унесены змены ў рашэнне Івацэвіцкага райсавета ад 27 студзеня 2011 года №47. Яны тычацца павелічэння здабычы пяску да амаль 40000 метраў кубічных у сувязі з адкрыццём пясчанага кар’ера “Дабрынёва-2”.
Сесія прыняла рашэнне аб унясенні змяненняў у рашэнне райсавета ад 27 студзеня №44, якое тычыцца ўдакладнення бюджэту раёна.
Па ўсіх разгледжаных пытаннях сесія прыняла адпаведныя рашэнні.

14 чэрвеня 2011 Комментариев: 1 | Просмотров: 1129 | распечатать

КАМЕНТАРЫІ

{sape}